Español
Englishfilosofía slow
Todo isto resúmese neste sitio web, que convertemos nun escaparate do que podes atopar neste destino.
Pero, sobre todo, o Turismo Slow Norte de Galicia é un proxecto que busca a sostibilidade e no que queremos reflectir o noso compromiso co Medio Ambiente e coa sociedade.
Buscamos a sostibilidade a través da responsabilidade:
> responsabilidade medioambiental para manter o que nos rodea, a base da nosa idiosincrasia dende a natureza, a súa forza e o su carácter
> e responsabilidade social, a través dunha economía de colaboración que reverta na nosa comunidade local, empregando os recursos e produtos máis próximos para que o retorno da nosa actividade se converta en algo positivo para todas as persoas que vivimos nesta área.
O Turismo Slow Norte de Galicia, polo tanto, é máis que un proxecto turístico, é a busca da sostibilidade: o equilibrio económico, medioambiental e social coa nosa actividade, para producir un retorno positivo na nosa contorna máis próxima.
E esta filosofía é a que intentamos levar ao noso proxecto e reflectir na nosa web, mostrando algo máis que unha relación de aloxamentos, comunicando o compromiso das empresas.
Compromiso co Medioambiente: as empresas que forman parte do Turismo Slow Norte de Galicia descobren os seus segredos respecto da súa relación coa contorna (enerxías limpas, control de consumos, re utilización das augas residuais…), así como as boas prácticas das persoas anfitrioas focalizadas a ser responsables no aspecto medioambiental: ben reducindo o impacto sobre a contorna ou ben devolvéndolle aquilo que levamos prestado (reciclaxe, ecoloxía…). Podes ver estes datos no apartado “Aloxamentos.”
Compromiso ca sociedade: somos moi conscientes da nosa riqueza patrimonial, cultural e gastronómica e da importancia da economía km0. Así, no almorzo, xantar ou cea que ofrecemos nos nosos aloxamentos poderás gozar de produtos locais, sempre dende unha perspectiva saudable e integradora. Non todos os aloxamentos ofrecen o mesmo, pero todos somos conscientes da necesidade de atender as novas tendencias e demandas na alimentación, polo que aplicamos a formación e a mellora continua para coñecer novos menús e receitas acordes a esas demandas pero sen perder a esencia do Norte do Norte, porque a base dunha comida saudable está na calidade dos produtos, e iso non se pode explicar, terás que vir para comprobalo!!
