Compromiso coa Sostibilidade ambiental
- Contar con xeración propia ou contratación de enerxías renovables no establecemento, parcial ou totalmente.
- Xestionar os residuos de forma sostible, segundo as normas de xestión municipais e as posibilidades do establecemento.
- Velar pola redución dos plásticos dun só uso: substituíndoos por outros materiais, rexeitando os envases innecesarios, favorecendo a reutilización, etc.
- Contar con medidas de aforro e eficiencia enerxética, coma: usar lámpadas de baixo consumo, favorecer a actualización dos electrodomésticos por aqueles de baixo consumo, ter sistemas de control automático da iluminación, etc.
- Empregar sistemas de aforro de auga, coma: redutores de fluxo en billas, dobre pulsador en cisternas, sistemas de recirculación de augas, separación de augas grises, etc.
- Usar productos de limpeza e outros produtos químicos (coma pinturas ou vernices) con reducido impacto ambiental.
- Seguir prácticas sostibles na xestión de xardíns, hortas e outras zonas verdes, coma: usar abonos orgánicos, regar con sistemas de control automático, evitar o uso de pesticidas sintéticos, evitar o uso de especies exóticas invasoras, etc.
- Empregar medidas de redución do desperdicio alimentario.
Apoio á comunidade local
- Priorizar a contratación de persoal local.
- Contar con empresas provedoras locais.
- Favorecer o uso de produtos alimenticios primarios locais.
- Velar pola promoción da arte, arquitectura ou patrimonio cultural local
- Ofertar servizos de ocio, produtos ou experiencias baseadas no respecto ambiental e a promoción da cultura local.
- Apoiar, participar ou promover accións para o desenvolvemento local.
Turismo consciente e responsable
- Ofrecer información sobre puntos de interese turísticos, experiencias locais, restaurantes, artesanía, etc.
- Facilitar información e xestión de opcións de transporte con menores emisións contaminantes.
- Comprometerse á formación e concienciación do persoal sobre as prácticas de xestión ambiental do establecemento.
- Promover a concienciación da clientela sobre as prácticas de xestión ambiental do establecemento.
E, dado que se trata dunha rede de aloxamentos, a pertenza á rede implica ademais comprometerse a participar e implicarse no proxecto.