"ROTEIRO ENTRE FAROS E BATERÍAS"
Ferrol

Descripción:
Trátase dun roteiro de sendeirismo de 17 quilómetros no litoral noroeste de Ferrol, camiñando entre o Faro de Prioriño Chico e a praia de O Vilar-Covas. Poderase ver o exterior do faro no Cabo Prioriño Chico, así como as súas baterías do século XVIII e unha fermosa panorámica do Golfo Ártabro, coa Coruña e a súa Torre de Hércules ao fondo. Continúase cara ao norte, en carreiros estreitos con restos de baterías militares de principios do século XX. Atravesaremos as praias de Penencia e Doniños, cos restos do seu castelo, e a continuación o piñeiral de San Jorge para chegar á súa praia, que atravesaremos ata chegar á praia de O Vilar no lugar de Covas.

Dirixido a:
Familias, grupos, parellas, singles. Calquera persoa maior de 10 anos e menor de 70

Duración:
5 horas

Período:
De maio a setembro

Prazas:
Mínimo 5 persoas, máximo 7 persoas.

Prezo:
30€ persoa

Información de interese:
Recoméndase levar roupa para practicar sendeirismo: pantalón longo, botas, chuvasqueiro, auga e algo para comer. En caso de climatoloxía adversa, non se realizará a actividade.
Reservas:
Jorge Severo Medina Martín
Viaxes Galitur / MICE Galicia
www.viaxesgalitur.com
jorgeseveromedinamartin@gmail.com
650 86 87 80