Destacamos, por exemplo, a industria cerámica na Mariña Lucense, que ten como buque insignia a fábrica de Sargadelos e cuxas orixes datan do S.XIX (1806), cunha gran tradición e coidado na elaboración de cada unha das súas pezas.

Na zona de Ferrol poderás coñecer o gran patrimonio industrial que atesoura en relación á construción naval visitando os Estaleiros e o Arsenal, hoxe convertidos en reclamo turístico.

Como testemuño da historia mineira e industrial poderás visitar os fornos das Minas de Vilaoudriz (A Pontenova) e seguir a senda do tren ata Ribadeo, para ver O Cargadoiro, unha estrutura de piares de pedra e armazón metálico que nos chamará poderosamente a atención; ou facer a ruta ata as “Minas da Silvarosa e Galdo” en Viveiro, onde antigamente extraíase este mineral e nas que na actualidade poderás apreciar os pozos, canteiras e antigas edificacións.